عاليه شعيب وكيكة الرهش
ودي أفهم شنو قصة عالية شعيب الله يصلحها ويصلحنا مانى فاهم هالمرة شنو قصتها
بالتسعينيات طلعت تصريح بنسبة مئوية كبيرة بأن البنات فى الجامعة وايد منهم سحاقيات
بعدين سوت ضجة بحجابها
والحين بالمسلسل السخيف ذو الاداء الباهت
لا أعرف مالذي تصبو اليه هذه المرأة
قد أطلق عليها لقب لاحقة الاضواء
أو أى زاحفة الشهرة
في مقابلة لها مع زاهي وهبي كان هذا ردها عن سؤال مقابلتها لشمس البارودي الفنانة المعتزلة
((لو سمحت لا تقارني انا عاليه شعيب بامرأه مثلها عندنا تريد انا تقارني باحد ارجوك قارني مع سيده اكاديميه
مثلي وليس مع هذه))
مقابلة عاليه شعيب فى اضاءات ( قناة العربية )
كيكة الرهش
علبة نوتلا
ربع كيلو رهش
سارا لى كيك
علبة ونص قيمر
جوز
توفي
يتم اضافة
النوتلا على القيمر وخلط الرهش معاهم
ويتم وضع طبقة الكيك وفوقها طبقة الخلطة
وبالاعلى يتم اضافة التوفي
ورش الجوز
وهنيئا مريئا
مو هالسالفة أحسن من عاليه شعيب ؟
72 comments:
walla I don't know, everyone's gone mad .. each Ramdan we get a shock lol..
I love your blog BTW!
وايد احسن
انا استغرب شلون ( اكاديمية نفسها ) خصوصا عالية شعيب اللي ما ترضى احد يقارنها بشخص اقل من مستواها ترضى انها تطلع بدور سخيف جذي
الاداء مأساوي الصراحة
مشكور عالكيك
بس للاسف ما ادخل مطبخ
آآآآآآآآآآ الله بالخير
انا قايلة بكتب عن المسلسلات فرجاءا لا تسرق مني الاضواء
عاد تدري يا ميشو اني شاهدة على هاللقاء يوم قالت بالضبط : انا اكاديمية تقارنني بفنانة لها تاريخ من العري قارني باكاديمية مثلي !
فللأخت عالية نقول : انتي شنو تبين بالضبط لأني قريت خبر بجريدة الراي اليوم انها بتسوي ديوان شعري بصوتها فياريت تفيدنا اهي شنو تبي بالضبط كاتبة رسامة شاعرة استاذة باحثة ممثلة بس تعبت
انا قلت لك مبارك عليك الشهر ؟
صبحك الله بالخير
الظاهر الاخت ليلحين تدور في فلك اثبات الذات في هرم مازلو وما استغرب اذا شفتها السنة الجاية حارسة مرمى نادي الجهراء
بعد شوي باكتب بوست مري علي
تره الدكتوره هذي مو صاحيه
إسأل أي واحد ماخذ عندها ماده بالجامعه
عندي عيال خالتي اثنين ماخذين معاها
الي يدرس خذاله دي والي مايدرس ايه
اشلون ؟؟؟
الثاني اربع وعشرين مطيح عندها ... لما تحطمت فيه وعطته ايه
من اي ناحيه يقصد تحطمت فيه مادري
بس المهم انه حتى طلبتها دايخين معاها
عيل لو انا دكتور ..؟؟؟ ليش انززل روحي بمسلسلات تافه مثل مسلسل الوزيره
على العموم انا اتفق معاك سالفتك الثانيه أحلى :)
وخل اشوف اذا عندي كل المكونات بحاول اسويها
يعطيك العافيه
واشوه قريت الموضوع قبل الصيام عشان لا أيوووع
انت بتستاثم فينا على هالوصفات !!
هذي أسميها لغمة .. أقوى من لغمة واحد من الربع يوكلنا إياها في الديوانية و يسميها فولكانو !!!
والله أكيد أحلى و ألذ من سوالف هالدكتورة
تعليقي على دخول د.عالية المجال الفني ------> الشهادة هالأيام ما قامت توكل خبز !!
انا مش ضد المسلسل ، ولكن ضد ان لا يكون هناك لجنه او شي من هذا القبيل لمحاسبه الاكاديميين على افعالهم ..
الاكاديمي الدكتور العميد ومن هم اعلى او اقل هم قدوه ولا بد من وقع جزاء ما عليهم اذا اساؤا بحق المجتمع .
مثلا دكتور جامعة يصيدونه سكران وباجر يدرس الطلبه ما يجوز !!
وهلم جرا ..
خارج الموضوع
مقالاتك في عالم اليوم صدقا تمثل لسان حال الكثير وتلامس الواقع دم على خطك ونهجك والله يوفقك ولا تتأثر ببعض زملائك بنفس الصفحه ..
الله من على شمس البارودي بالتوبة
و انتي يا عالية شعيب شخاتج
.. ?
صباح الخير
والله مادري شسالفتها ولا شسالفة المسلسل
الكيكة طبعا سالفتها احلى =)
شكرااا
الشرهه مو عليها
الشرهه على من حدها على الضو
eey aked il kaika a7san min 3alya sh3aib, etha a7ad im3awir rasik la etkhaleeeh mi7war 7adeethik :p
فعلا انصدمت لما شفت اعلانات المسلسل اللي بتمثل فيه
شي غريب
شنو بيضيفلها التمثيل غير الأضواء على قولتك
مالي خلق احش انا صايمه الحين :)
حدها سهله كيكة الرهش
ومافيها طباخ كلش لووووول
هذا اللي هامني يعني
يعطيك العافيه
والله يخلي لك المدام فناتقها حلوه ولذيذه
خلوها تكتشف أي طريج تبي
هالأخطابوطا
لو تمت اكاديمية نسرة واكتفت جان أبرك
لأن اكثر من جذي تخبط ما شفت
الكيكة يا مشاري
هاذي الواحد ياكلها
وينسدح بعدها يحطها يمه ويطالع الصحن
قوية قوية
Yummy!
شوقتني أبي الرهش إلي مغلف بكاكاو
ياخي انا ما شفت مسلسل الوزيرة
بس صراحة ماني شايف مانع من انها تمثل او تغني او تسوي اللي تبيه
ريغن حكم أمريكا 8 سنوات و اهو ممثل
ارنولد حاكم كاليفورنيا ممثل
فينتورا حاكم مينيسوتا مصارع
ما فيها شي الواحد يكون متنوع المواهب و يكتشف نفسه يوم عن يوم
.,’
عالية شعيب الناس عجزت
تفهم تصرفاتها بشكل عام
وبخصوص مسلسلها في الوزيرة .,!
ما اقول غير ونعم الدكتوره
ونعم من يمثّل جامعة الكويت
..
مبارك عليك الشهر
أنا ما احب أتكلم في الناس عموماً ..!!وخصوصاً في شهر رمضان ..!! لكن هناك الكثير ممن يعشق الشهره ويحب الاضواء من النساء والرجال ..!! ولكنهم لم يفقهوا الدرس ..!! ولم يتعلموا من "الفراشه" ..!! فالفرشه تعشق الأضواء وتحبها ..!! ولكنها تنتهي وتموت ... بحرق الأضواء لها ..!! فهل تعلمت الفراشه أم أنها تهوى "الحرق" ..!!؟
أحسن ونص
وحلاته مع قهوه عربية بعد
يا سلام :>
الروبيضه
;p
السلام عليكم
بالنسبة للدكتورة و تمثيلها اعتقد ان فيه ممثلين معروفين حاصلين على اعلى الشهادات مثل يحيى الفخران ( دكتور طب ) وفيه هم ممثل كوميدي لا يحظرني اسمه هم بعد دكتور اسنان وفيه وايد ممثلين لهم شهادات منهم اللي عنده حقوق واللي مهندس , يعني مافيها شيء لكن اللي نبي انقوله هل اهيه عندها موهبة التمثيل الحقيقية ؟؟؟؟؟؟
اللي يحكم على هالشيء اهل الاختصاص
وبالنسبة للأكلة الله يعطيك العافية احنا انسوي رجيم وانت اتخربها اخوي مشاري بسنا بسنا اكل :))
لكن الحمدالله ما احب آكل الحلو :)
والله مصرقعه ها الدكتوره
نفس الحجى امس قلناه بالدوانيه
شتبي توصله ها الدكتوره مانى عارف ؟
الله يعيطك العافيه على البوست وها الزهيريات الحلوه
الخلطة وايد أحلى من عالية شعيب المريضة نفسياً
بس أبي أعرف ليش تحط سارا كيك في كل وصفة؟؟
:)
lefloos tghayyir lenfoos ..
ramadan.. this is all i can say :P
....
O kathir min halwasfat el7lwa.. :)
طبعا ما عندي تعليق على المسلسل
لأني نصحتك في البوست السابق وقتلك المتابعة عوار قلب و راس
وترفع الضغط
وتزيد السكر في الدم
لكن ما طعتني
#########
بالنسبة للكيكة
من مكوناتها لذيذة لأني أموت بالرهش
لكن المشكلة ما عندي وقت
و أخاف أسويها و آكلها كلها
خلها بعد رمضان اشرايك ؟
على العموم
يعطيك العافية
مودتي
منى
إذا عرفت سر عالية شعيب أخبرنا عنه :)
أما عن الكيكة فأتوقع إنها يت بوقتها .. راجع آخر بوست لي لمعرفة السبب!
بس سؤال ! الكيك فانيلا و الا شوكلاته؟
و يفضل انه يكون في تفصيل في الشرح في المرات القادمة لمن هم في مثل حالتي السيئة.. :)
حدث ولاحرج وياما بنشوف اكثر من جذي بعد
وكيكه احس انها بتكون ثقيله
وصفات شهيه وحق المتن والوزن الزايد تقدم لنا هالوصفات
تسلم وماتقصر ياخوي
shof inta i'7ith ildoctorah ili tbeeha wana a'7alis ilshahada ili ga3da adris laha wi inswee sharikat intaj wi awal mosalsaleen:
(6rag wa lakin) wi ilthani
(7okm ilbara6im),
wi ilgissa ma ybeeha yamm3i yahhal ilfireej wi 36 kil wa7id iwrigah wi '7al yaktib ili b'7a6rah saddigni bs shhreen ba3ad 3arth ilmosalsal wil inta share lik jet wi 6ayer feha ween ma tbi,
ishrayek:)
مشاري
خلك مع طاش ما طاش ولا تطوفك فوازير حليمة
شي ما صار
أنا أتابعها مخصوص عشان الأزياء والمكياج
ما أخبرك...روعة الى درجة تسويلك حارج
:)
بالنسبة للكيكه تسلم أيدك بس كيك وبرمضان كلش ماينفع لي
بالنسبة لعاليه شعيب وجماعتها أختصر لك الحجي كله وهو لا تابع ماكو شيء بالتلفزيون سنع ممكن يتابع
عن نفسي ما أتابع غير طاش ما طاش ومو كلها بعد وبرنامج ولا كلمة على فنون غير جذي ما أدري عن شيء ولا أبي أدري
صدقني سخيفين كلهم يا هواش ياصراخ يا ماكو سالفه نلحقها من وراهم خلنا بهالشهر الفضيل على أقل تقدير نتيمع مع أهل البيت ونسولف سالفتين ونصلي لنا ركعيتن
وعسى ربي يهدينا ويهديهم جميعا
وااااايد احسن
بس اظنتي عقب هالكيكة نصوم لي رمضان الياي
:)
الله يهديها ويصلحها
افتر راسها مادري شهالاستهبال اللي قاعد تسويه
!!
patient of attention seeking disorder
وهو مرض حب شد انتباه الناس الى المريض عن طريق فعل اي شيء .. وعندما لا يجد الأهتمام الكافي يبتدي يسوي اشياء غريبة
كل ما اختفى اسمها من الصحافة والأعلام راحت و سوت شي غريبب و لا قالت شي مثير علشان تجذب الأنتباه
للأسف مافي علاج بالأدوية ولكن الكويتيين اكتشفوله علاج :)... الحقران يقطع المصران
يوميا على الريج
والتأكد ان جهاز التلفاز مغلق :)
مشكورين على الكيكة بلوقك صار عائلي :)
جان زين فيها ريحة الحيوية
الا فاااجة و جامدة و نبرة صووت وحدة و تحووم الجبد
.
.
الكيكة اكيد عجيييييييييبة
لو ما الرهش
ما احبه رغم كل المحاولات
تسلم الايادي من اخترعها و طبقها
و من نقلها لنا
walah i miss this place ..
ما شفت المسلسل .
ولا فكر اشوفه اصلا !
الله يهديها ..
و خلنا على كيكة الرهش احسن ..
شكرا على الوصفة ;D
مثل ما قلت
لاحقة الاضواء و زاحفة للشهره
ايه قالت جنهم طاخين عني هاليومين .. فتبي تسويلها شي .. الناس التكلم مره ثانيه عنها
المفروض ما نعطيها ويه ونتابعها .. علشان ما ننقث .. وتلوع جبدنا على الفطور
الحمد الله
واحد من اثنين
يااما انها مزاجية وبالتالي كل مرة تطلع لنا بصورة
أو انها كل ماحتاجت بيزتين سوت لها سالفة علشان يسوون لها مقابلات
هالمرة سوولها مسلسل
انا حالي من حالك مو لاقيه لها تفسير ..
و مثل ما قلت الرهش وايد ألذ من سالفتها :P
:::: SHAYOUMA ::::
first thank u :)
thnee shy we have to give up with these shoks
khala9 mako fayada
pearl: ومن قال الاكاديمين عندنا مووووووت خلينا ساكتين فيهم ناس يفشلوووون وايد
tweety : الظاهر تبي تسترزق من الفن
وما قلتى وبعدين لازم تقولينها 20 مرة يالله اقتنع
:)
فريج سعود : الصراحة ضحكتنى على سالفة حارس مرميى :))))
وحاضر مريت وعلقت وتامر
Q8i_Blogger ": اولا صحتين مقدما
وتصدق ايام الجامعة صارت نفس السالفة مع واحد من الربع رفعته لى الايه على شنو وكان يقولي انا مولى بالامتحان كلش بس اهيا قايلة تبي تعطينى ايه ليش ما ادرى
Kuw_Son : عاد صج الشهادة ما توكل خبز
وفعلا الكيكة لغمة صحتين خيووو
بو حامد : يشرفنى اخوى بو حامد كلامك لي اولا
ثانيا
ما عندنا مشكلة لو كان الاكاديمي اعلامي ودكتور شفيق الغبرا مثال جميل ولكن ان يظهر وخصوصا بان الفن لدينا هابط بهذه الصورة
اثارة علامات الاستفهام غريبة جدا
ابن زيدون : الله الهادي يا خوي وانشاء الله يصلح حالنا ويصلح حالها
Najmah : الكيكة وايد احسن :)
عفوا
حسام بن ضرار : كل عقله براسه يا ولد عمى
Very.Q8ya : عيل الكيكة احسن اسولف عنها لانها لذيذذذذذة
:)
Q8DOLL : اولا بالعافية :)
ثانيا الواحد يكمل صيامه ابرك :)
الحاسة السادسة : صدقينى مو عيب يكون الانسان متعدد المواهب ولكن ان يدخل باي شي وهو واصل مستوي محترم
هذا الصعب
وصحتين على قلبك :)
Ra-1 : صحتيييييييييييين
وحاضرين راح اضبطج بيوم بشغلة جذى
نطري الوصفة :)
kila ma6goog : صح
بس المقارنة بهالصورة مختلفة نهائيا يا بو سلمي
ريغن كان خياط صار ممثل بعدين حاكم
ارنولد مهاجر ولاعب بعدين ممثل بعدين حاكم
والاخ الاخير نفس الشئ متصاعد
بس الاخت وصلت دكتورة بعدين انزلت ممثلة
يعنى فى فرق
3atreis: هذا حال بعض الاكاديمين مع الاسف
صورة مشوهة للتعليم
وعلينا وعليج :)
2 u ALL : الصراحة لا كلام بعد كلامك
حكمة يجب التعلم منها
اشكرك عزيزى ومبارك عليك الشهر
:)
Aldenya : صحتيييييييييين
:) هذا الكلام العدل
\
ButterFlier : عجبتك الكلمة
عن حديث الرسول عليه الصلاة والسلام
:)
someone_q8 : اكل اكل اكل
صحتين :))
بس مصر شى والكويت شى
الاخت اكاديمية وتخرج طلبة من عباءة العلم اللى عندها
ابو شملان : يا اخى لو دواوين الكويت كلها تتجمع ما يعرفون الاخت شتبي
الله يعينها
حلم جميل بوطن أفضل : الجواب
لان اسهل كيكة تسويها
باستخدامه:))
والاخت ربنا يعينها يا اخى
:)
ShamiYa_RockS : حاضرين
واذا على الفلوس عندج سلف دينارين
:))
برنسيس إيكاروس : اول شى
صدقينى ما راح تاخذ منج وقت الكيكة
وثاني شى راح احاول من الموضوع الجاى انى ما اتكلم عن المسلسلات
:)
loyalty : الكيك شوكلاته
:)
ثاني شى لى الحين ما عرفت السر
Shaima'a Alkandari : متن شهر مو مشكلة :)
صحتين
واسف ترى مو قصدى ما ارد والله مو قاصد
salfa3ajeeba : الصراحة خوووووووووووش موضوع
وادعيلى اخلص هالدكتوراة اللى صارت مثل الهم
White Wings : اشوف بو قتادة وبو نبيل واااااااااايد احسن من حليمة
وطاش ما طاش بالمقدمة
:)
محـــــارة : انا معاج بس طاش ما طاش
والكيكة جربيها وانشاء بتدعيلى
:)
esTeKaNa: قصدج عقب الكيكة ماكو سحور الا بعد يومين
وخلينا على الكيكة احسن
:)
Sowhat : البلوق برمضان غير :)
ثاني شى يا دكتورى العزيز
فعلا هذا افضل عليج الحقران
a7La eNG : انا اعلمج شلون تحبينها بس لازم حزة فطر وشتا مو الحين :) لان يبيلها تب مااااى بعدين :)
والدكتورة صج بردتى جبدى فيه
QiYaDiYa : العفو ووايد احسن انج ما اتابعينها:)
Smile : صح ومثل ما قال الاخ الدكتور فوق
الحقران يقطع المصران :)
فتى الجبل : السبيبين يدشون العقل وننطر نشوف النتايج
Shather : زين اشوة عيل حبيتى الرهش:))
Post a Comment