تقول الحجية
يا وليدي ما يهم من يفوز
انا تعبت ربيت وعطيت
وخيرهم به غيري ينول
كل اللى ابي من ربي
يهدي هالبلد
ما همني السعدون والا بو رمية والا حتي عنتروس ينجحون
هذي حالة
جمعية تصلخنا
وعيال يلبحون
وين أولي وين أروح
أهم بالملايين يسبحون
وانا علي الله ثم علي معاش الشئوون
أشكي حق وزير والا وكيل ما يلتفتون
كلهم لاهين ما بين حسابات
وكلام تحت الطاولة يدور
أوقف بهالشموس ساعات
لما يطق ميخي وادور
ما اعرف شمالي من جنوبي
وكل بهوي داره ينود
أبي السلامة يا عيالي
أبي أموت مرتاح بالي
ليش يا ديرتي عيالج بج يفتنون ؟
البدو يلبحون والتجار ينهبون والشيعة يصيحون
كل اليوم صار لنا مظلوم!
وين العدل وين الرضي وين كلام اللى يسمعون
كل طاق راسه وماشى وعن العقل يقرقعون
لكن مسيركم توصلون بهالعمر
حزتها بتعرفون
كل ما سويته في بلدكم
شر ومصايب تدمع لها عيون
19 comments:
هالحجية تسوى ألف واحد
من اللي يدعون حب الكويت وأهلها
:)
كلام وكلام وكلام.........بس منو الي يسمع......لافظا فوووووك وجعل ينجعم حاسدوك يا مشاري يا ولد ام مشاري جبتها بالصميم يا خلف يداني صج انك ولد بطنها
وما اقول الا اوفييييييييييييييه عليج يا ديرتي اوفييييييييه ويفكج من شر الفتن وعوير و زوير والمنتخبين الي مافيهم خير
عسى الله لا يوفقك كل شخص يفكر بنفسه قبل الكويت .. و الله والله بتضيع الكويت و السبه المصالح .. الله يستر
الله
صح لساااانها
ليت لها يسمعوون
ان شاء الله يسمعون كلام الحجيه
و الله يهدي الاوضاع
صح لسانك و لسان حال الحجيه
اللي يعور القلب
وين من يسمع و يفهم يا اخوي
دمت بود
تسلم الحجية وتسلم إنت :)
صح لسان الحجيه ((:
اى والله صاجه
الله يرحم الحال
منها الكثير
وصباحك فل
:)
عسى الله يطول بعمر هالحجيه
ايه ايه دست عالوتر ياخوي
العيون تبجي على اللى قاعد يصير
الله كريم الله كريم
الكويت بتبقى وبتبقى وبتنظف ان شاءالله
الله يهد الجميع .. وان شاء الله خير
الاهم ان احنا نختار اللي يخدم الكويت وبس
الا نشفت العيون
مساالخير والكرامه
عزيزي
اللي يعيش ياما يشوف
صح لسانك
يا
صاحب
القلم
الشريف
:)
3ashat el 7ajyah :P
يسلم راسها ويسلم راسك
ويسلم راس كل مواطن شريف يحب هالأرض الطيبة
وين العدل وين الرضي وين كلام اللى يسمعون
كل طاق راسه وماشى وعن العقل يقرقعون
أول شي صح لسانك
وبعدين صج .. شنو تعني كلمة "العدل" هاليومين ؟
اللي تعلمناه ان العدل مقياس ثابت بس اللي صاير ان قام يتغير بتغير الاشخاص والمواقف
يسلموووو
البدو يلبحون والتجار ينهبون والشيعة يصيحون
كل اليوم صار لنا مظلوم!
زين يعني احنا طلعنا من الحسبه
الحمد الله
والله قلت برجع على انتخابات الجو عند مش مش حامي
لا بس زين طلعت ريلاكس
Post a Comment